Могліцы Вялікіх Чучавіч

Дакладны час, калі былі закладзены сучасныя могліцы Вялікіх Чучавіч, пакуль не вызначаны. Меркавана, гэта было зроблена ў 1798 годзе, пасля таго як год таму выйшаў агульны ўказ а забароне пахаванняў на царкоўным пагосце. Да таго часу людзей хавалі на царкоўным пагосце, то бок адразу за царквою, дзе на сённяшні дзень знаходзяцца двары па вуліцы Леніна 61 і 63. Час ад часу на той зямлі знаходзілі косткі ў зямлі.

Могліцы Вялікіх Чучавіч знаходзяцца ў заходняй частцы вёскі. Рэльефна вылучаецца паўночна заходняя частка могліц, дзе сфарміравана невялічкае ўзвышша. Гэтае месца можна лічыць цэнтральна гістарычным, вакол якіх разрасталіся пахаванні на поўдзень. На сённяшні дзень на могліцах захоўваюцца старажытныя дубы, якім звыш за 150 год. Сярод надмагілляў захоўваецца да 10 старых драўляных крыжоў. Самае старое вызначанае пахаванне датуецца 1916 годам.