Удзельнікі і ахвяры войн

Хаця войны рэдка праходзілі праз сам Чучавіцкі край, але яго жыхары былі іх сведкамі, удзельнікамі і ахвярамі. Меркавана, першымі ўдзельнікамі войн сталі жыхары, якія праходзілі рэкрутскую службу ў войсках Радзівілаў. Хтосьці з іх, вядома, мог удзельнічаць у вайне 1812 года, аднак звестак пра гэта на дадзены момант не знойдзена.

Пэўным чынам войны закранулі Чучавіцкі край у ХХ стагоддзі. Жыхары Вялікіх і Малых Чучавіч, Гоцка, Баравікоў, Лугоў і Кормужа ўдзельнічалі ў Руска-Японскай вайне 1905 года, у Першай Сусветнай вайне, у Савецка-Польскай вайне, у Другой Сусветнай вайне і ў Афганскай вайне. На гэтай старонцы зафіксаваны ўдзельнікі і ахвяры войн з Чучавіцкага краю.